Mediat portugeze raportojnë se Cristiano Ronaldo dhe Georgina Rodríguez mund të kurorëzojnë dashurinë e tyre me martesë këtë javë, me ceremoninë që pritet të zhvillohet mes të premtes dhe të shtunës në një zonë pranë Lisbonës. Fillimisht u përfol se dasma do të mbahej në Madeira, vendlindja e yllit portugez, por së fundmi po përmendet Sintra dhe vila neogotike Quinta da Regaleira si vendi i mundshëm i ceremonisë. Institucioni që administron monumentin nuk e mohoi zërin, duke nxitur më shumë spekulime për organizimin e eventit. Cristiano dhe Georgina janë në një lidhje prej dhjetë vjetësh, kanë pesë fëmijë së bashku dhe njoftuan fejesën zyrtarisht në gusht të vitit 2025.