Cristiano Ronaldo dhe partnerja e tij prej 10 vitesh, Georgina Rodriguez, pritet të kurorëzojnë dashurinë e tyre këtë të shtunë në ishullin e lindjes së futbollistit, Madeira. Ceremonia martesore do të zhvillohet në Katedralen e Funchalit, ku është rezervuar një event i madh, ndërsa festa do të mbahet në hotelin luksoz Savoy Palace pranë katedrales. Pas fejesës në gusht të vitit të kaluar dhe eliminimit të Portugalisë nga Kupa e Botës, thashethemet për martesën janë shtuar, duke u përforcuar nga rezervimet dhe mbyllja e ambienteve të hotelit për mysafirët. Edhe pse çifti u pa së fundmi në pushime në Mallorca, raportimet e fundit tregojnë se dita e madhe është shumë afër dhe Ronaldo duhet të rikthehet në Arabinë Saudite për sezonin e ri më 15 gusht.