Cristiano Ronaldo dhe partnerja e tij, Georgina Rodríguez, raportohet se do të martohen fundjavën e ardhshme në ishullin Madeira, vendlindjen e futbollistit portugez. Ceremonia pritet të zhvillohet në Katedralen e Funchalit, ndërsa festa do të mbahet në hotelin luksoz Savoy Palace, ku janë rezervuar disa kate dhe ambiente për dy ditë. Fillimisht ishte përfolur se dasma do të zhvillohej në pronën historike Quinta da Regaleira në Sintra, por këto zëra u hodhën poshtë pasi vendi ishte i hapur për publikun gjatë fundjavës. Edhe pse çifti nuk ka konfirmuar zyrtarisht planet e martesës, unazat e mëdha të diamantit që kanë publikuar së fundmi ushqejnë spekulimet se ceremonia e shumëpërfolur është shumë pranë.