Këngëtarja e njohur nga Drenica, Dafina Dauti, ka publikuar këngën e saj më të re me titullin “Kosova po pret”, një projekt i mbushur me emocione dhe mesazh shprese. Kjo këngë vjen në një moment të rëndësishëm, vetëm pak ditë para vendimit të shumëpritur për ish-krerët e UÇK-së në Hagë, duke reflektuar pritjen dhe mbështetjen e gjerë të shqiptarëve. Dafina ka qenë aktive edhe në aktivitete të ndryshme përkrahëse për ish-krerët, duke u bërë zë i iniciativave që mbajnë gjallë mesazhin e shpresës dhe drejtësisë. Përmes muzikës, ajo ka arritur të përçojë një ndjenjë të fortë solidariteti dhe pritjeje për fatin e çlirimtarëve, duke prekur zemrat e shumë njerëzve në këtë periudhë të ndjeshme.