Dafina Zeqiri ka rikthyer vëmendjen te një nga debatet më të diskutuara të Big Brother VIP Albania, duke shprehur indinjatën e saj ndaj Rogert Sterkajt. Ajo ka ndarë në Instagram një postim nga Stenaldo Mëhilli, i cili apelon për mbrojtjen e të drejtave të personave me aftësi të ndryshme dhe ndalimin e bullizmit. Dafina e ka cilësuar Rogertin si “mashkullin” më të urryer shqiptar dhe ka përdorur një emoji ofendues për të shprehur zhgënjimin e saj ndaj akuzave që ai i bëri Stenaldos për viktimizim dhe shikim. Këngëtarja njihet për qëndrimet e saj të forta kundër çdo forme bullizmi dhe rikthimi i kësaj teme tregon se ajo vazhdon të dënojë ashpër këto sjellje, pavarësisht se ka kaluar kohë nga ngjarja.