Emisioni i njohur Love Island është i famshëm për romancat e shkurtra që shpesh përfundojnë pas daljes nga ekrani, por disa çifte kanë arritur të mbajnë lidhjen e tyre edhe në jetën reale. Një nga këto çifte me fat është Molly Smith dhe Tom Clare, të cilët u njohën në versionin spin-off të emisionit në Afrikën e Jugut dhe fituan edicionin All-Stars 2024. Pas dy vjetësh lidhje, ata kurorëzuan dashurinë e tyre në një ceremoni madhështore në ishullin piktoresk të Majorkës, ku Molly veshi një fustan elegant nusërie dhe Tomi një kostum të bardhë. Ceremonia u zhvillua në ambientin magjepsës të Son Marroig, ndërsa festa vazhdoi deri në orët e vona me të ftuarit duke u argëtuar pa masë.