Këngëtarja e njohur shqiptare Kida do të kurorëzojë dashurinë me partnerin e saj Ajbin në një dasmë madhështore që do të zhvillohet më 1 shtator në Romë, në një rezidencë historike. Ceremonia pritet të jetë një event luksoz, me kosto që mund të kalojë 70 mijë euro, duke përfshirë ambientin, menunë dhe pajisjet teknike të nivelit të lartë. Në këtë festë të veçantë muzikën do ta sigurojnë dy yjet e mëdhenj të estradës shqiptare, Dani dhe Sinan Vllasaliu, të cilët do të krijojnë atmosferën e përsosur për të ftuarit. Pas muajsh përgatitjesh, dasma e Kidës dhe Ajbit është vetëm një ditë larg, duke premtuar një natë të paharrueshme për familjarët, miqtë dhe personazhet e njohura që do të jenë pjesë e saj.