Këngëtarja Dua Lipa dhe aktori Callum Turner u martuan më 31 maj në një ceremoni intime në Londër, por tashmë po përgatiten për një festë madhështore disa-ditore në Palermo të Italisë. Në qytetin sicilian, ku po mbahet eventi, kanë mbërritur familjarët e tyre, përfshirë motrën dhe babain e Dua Lipës, si dhe yje të njohur si Charli XCX dhe George Daniel, të cilët po qëndrojnë në hotelin luksoz Villa Igiea. Festimet pritet të zgjasin tre ditë dhe do të përfshijnë rreth 300 të ftuar, me avionë privatë, limuzina dhe masa të rrepta sigurie, përfshirë mbi 50 truproja dhe ndalimin e fluturimit të dronëve në zonë. Organizatorët kanë nënshkruar marrëveshje konfidencialiteti, ndërsa qarkullojnë zëra për një performancë të mundshme të Elton John gjatë një prej pritjeve private.