Ylli shqiptar me famë ndërkombëtare, Dua Lipa, dhe partneri i saj, aktori britanik Callum Turner, pritet të kurorëzojnë lidhjen e tyre me martesë këtë fundjavë, mes datave 5 dhe 7 qershor. Ceremonia do të zhvillohet në një vilë luksoze në Bagheria, pranë Palermos në Sicili, në një ambient historik dhe shumë privat, ku janë marrë masa të forta sigurie për të ruajtur ekskluzivitetin e eventit. Edhe pse nuk ka ende një konfirmim zyrtar nga artistja apo përfaqësuesit e saj, mediat italiane dhe ndërkombëtare kanë raportuar gjerësisht për këtë ngjarje, duke tërhequr vëmendjen e fansave dhe mediave rozë. Përgatitjet kanë hyrë në fazën finale, ndërsa emrat e të ftuarve mbahen sekret, duke krijuar një atmosferë misterioze rreth dasmës që pritet të jetë një nga eventet më të mëdha të showbizit botëror.