Një debat i tensionuar shpërtheu mbrëmjen e djeshme në shtëpinë e Big Brother VIP Albania 5 mes banorëve Shëndritit, Mirës dhe Robertit. Gjithçka nisi nga një batutë e Shëndritit, i cili përdori shprehjen spanjolle “Hijo de puta” në formë shaka, duke iu referuar personazhit humoristik të serialit “Tevidja”. Megjithatë, kjo shprehje u interpretua si fyerje nga Miri dhe Roberti, të cilët reaguan ashpër dhe kërcënuan Shëndritin, duke e sfiduar edhe fizikisht. Shëndriti u përpoq të qetësonte situatën duke sqaruar se nuk kishte qëllim ofendim, por tensioni mbeti i lartë dhe ngjarja ka ngjallur reagime të shumta në rrjetet sociale, ndërsa mbetet për t’u parë nëse produksioni do të ndërhyjë me masa disiplinore.