Google Maps ka nisur një bashkëpunim me platformën kulturore Service95 dhe këngëtaren shqiptare me famë botërore, Dua Lipa, për të sjellë një udhëzues personal udhëtimi. Ky projekt përfshin 12 lista me vendet e preferuara të Duas në mbarë botën, të pasuruara me fotografi dhe rekomandime personale. Ndër vendet e përzgjedhura është edhe Kosova, ku në kryeqytet janë përfshirë disa lokale, Galeria Kombëtare e Arteve, Tregu i Gjelbër dhe libraria “Dukagjini”. Kjo iniciativë u jep udhëtarëve mundësinë të eksplorojnë destinacione unike dhe të përjetojnë eksperiencat e Duas në mënyrë të drejtpërdrejtë përmes Google Maps.