Mbrëmjen e së hënës në Zone Club, Dhurata Dora dhe Gjesti performuan për herë të parë bashkëpunimin e tyre të ri, këngën “Gasolina”. Gjatë eventit, Dhurata i dha fjalë të mëdha Gjestit, duke theksuar se ai meriton gjithë suksesin që ka arritur dhe shprehu padurim për publikimin e këngës. Dy artistët konfirmuan zyrtarisht se projekti do të publikohet sonte në orën 18:00, duke nxitur interes të madh te publiku, sidomos pas viralizimit të një fragmenti në TikTok. Lansimi i këngës ishte parashikuar për verën e kaluar, por u shty për shkak të rrethanave personale të Gjestit në atë periudhë.