Këngëtarja e njohur shqiptare Dhurata Dora është konfirmuar si një nga artistet kryesore që do të performojë në edicionin e sivjetmë të “Sunny Hill Festival 2026”. Ky do të jetë rikthimi i saj në skenën e festivalit pas dy vitesh, duke u ngjitur në skenë më 31 korrik. Organizatorët e festivalit e kanë përshkruar Dhurata Dorën si një nga talentet më të suksesshme vendore dhe kanë theksuar rëndësinë e saj në muzikën shqiptare me projekte që kanë arritur qindra miliona klikime. “Sunny Hill Festival 2026” do të mbahet në Prishtinë më 31 korrik, 1 dhe 2 gusht, ku do të performojnë emra të njohur vendorë dhe ndërkombëtarë, duke ofruar një program të pasur për adhuruesit e muzikës.