Disejnatorja australiane e modës, Katie Perry, ka fituar në Gjykatën e Lartë të Australisë një betejë ligjore shumëvjeçare kundër këngëtares amerikane Katy Perry për përdorimin e markës tregtare. Gjykata vendosi se marka e disenjatores nuk dëmtoi reputacionin e këngëtares dhe nuk krijoi konfuzion tek publiku, duke rikthyer markën tregtare të Katie Perry në regjistër pas anulimit të saj në vitin 2024. Konflikti kishte nisur që në vitin 2007, kur disenjatorja regjistroi biznesin e saj me këtë emër dhe filloi të shiste rroba, ndërsa këngëtarja u përfshi në proces për shkelje të markës gjatë turneut të saj në Australi në vitin 2014. Katie Perry (dizenjatorja) theksoi se kjo betejë ishte për mbrojtjen e bizneseve të vogla dhe drejtësisë, ndërsa pala e këngëtares mohoi se kishte kërkuar mbylljen e biznesit të saj; disa çështje të tjera do të shqyrtohen në Gjykatën Federale të Australisë.