Jayden James Federline, djali 19-vjeçar i Britney Spears, ka reaguar fuqishëm ndaj teorive të konspiracionit që qarkullojnë në rrjetet sociale, sipas të cilave këngëtarja është zëvendësuar nga një klon. Gjatë një transmetimi live në TikTok, ai shprehu habinë e tij për përhapjen e këtyre pretendimeve dhe i bëri thirrje publikut të kontrollojë faktet para se të besojë lajme të rreme. Jayden theksoi se shumë njerëz besojnë në informacionet vetëm për shkak të numrit të madh të shikimeve dhe pëlqimeve, duke kritikuar kështu mënyrën se si përhapen lajmet false në internet. Ai gjithashtu i bëri të ditur ndjekësve se Britney është ende aktive dhe e pranishme në rrjetet sociale, duke hedhur poshtë plotësisht teoritë pa asnjë bazë që qarkullojnë online.