Princi dhe Bigi Jackson, djemtë e Michael Jackson, u shfaqën pas një kohe të gjatë në premierën e filmit biografik “Michael” në Berlin, duke tërhequr vëmendjen me veshjet dhe simbolikën që nderonin babanë e tyre. Në event ishin të pranishëm edhe disa nga vëllezërit e Michael, përfshirë Jackie, Jermaine dhe Marlon, si dhe pjesëtarë të tjerë të familjes, ndërsa munguan motrat Janet dhe LaToya Jackson dhe vajza Paris Jackson. Mungesa e Janet Jackson ishte e dukshme dhe lidhej me pakënaqësitë e saj për mënyrën se si filmi trajton disa aspekte të jetës së vëllait, duke shkaktuar tensione dhe debate brenda familjes, sidomos mes Janet dhe Jermaine Jackson. Pavarësisht polemikave, filmi “Michael” pritet të sjellë në ekran jetën dhe karrierën e legjendës së muzikës pop, duke rikthyer vëmendjen tek trashëgimia e tij artistike.