Këngëtarja shqiptare Donna Dafi ka publikuar videoklipin e saj më të ri, “ManGo”, një këngë që po konsiderohet si një nga hitet më të forta ndërkombëtare të sezonit. “ManGo” përmban një mesazh të fuqishëm për rimarrjen e vetëdijes dhe fuqisë personale, duke përzier elemente të R&B-së, pop-it alternativ dhe ritmeve globale të klubeve. Artistja e përshkruan këtë projekt si një terapi personale dhe një deklaratë force, ku ajo shpreh momentin kur vendos të mos bjerë më në lojën e manipulimit. Me këtë këngë dhe videoklip, Donna Dafi po ndërton një identitet të fortë artistik dhe po pozicionohet si një nga emrat më premtues në skenën ndërkombëtare të muzikës.