Drilon Rama, fitues i Big Brother VIP Kosova 3, ka mbetur i bllokuar në Dubai për shkak të situatës së tensionuar dhe sulmeve me raketa që kanë përfshirë Emiratet e Bashkuara Arabe. Aeroporti Ndërkombëtar i Dubait është mbyllur dhe operacionet janë pezulluar, duke lënë mijëra udhëtarë të bllokuar në hotele. Driloni ka ndarë një videomesazh ku tregon se pavarësisht situatës së rrezikshme dhe “punës së luftës” në qytet, ai është në gjendje të mirë fizike dhe i sigurt. Ai rrëfeu se sapo kishin parë një raketë në qiell dhe forcat e sigurisë kishin urdhëruar njerëzit të ktheheshin menjëherë nëpër dhoma, duke qetësuar ndjekësit e tij përmes mesazhit të drejtpërdrejtë.