Këngëtarja Dua Lipa ka ngritur një padi prej rreth 14 milionë eurosh kundër Samsung, duke akuzuar kompaninë për përdorimin pa leje të imazhit të saj në paketimin e televizorëve. Sipas padisë, fotografia është përdorur që nga viti i kaluar në fushata marketingu, pa asnjë kompensim apo miratim nga ana e Lipës. Ajo pretendon se Samsung ka përfituar duke krijuar përshtypjen se ajo mbështet produktin, gjë që nuk është e vërtetë, dhe thekson se kompania ka refuzuar kërkesën e saj për ndalimin e përdorimit të imazhit. Padia përfshin shkelje të të drejtave të autorit dhe ligjeve për të drejtën e publikimit, ndërsa Samsung ende nuk ka komentuar zyrtarisht çështjen.