Këngëtarja shqiptare me famë botërore, Dua Lipa, publikoi falas në YouTube filmin që dokumenton një nga koncertet e turneut të saj Radical Optimism, duke zgjedhur Meksikën si vendin për xhirime. Ky veprim u prit me shumë entuziazëm nga fansat, të cilët e përgëzuan për këtë mënyrë të veçantë të kujdesit ndaj tyre në mbarë botën. Ndryshe nga artistët e tjerë që zakonisht shfaqin fillimisht filma të tillë në kinema apo platforma me pagesë, Dua Lipa e bëri filmin të qasshëm për të gjithë pa kosto. Përveç këtij projekti, ajo planifikon të publikojë edhe një album me këngë të interpretuara live nga turneu i saj, duke vazhduar kështu angazhimin ndaj fansave.