Performanca e Shakirës në ceremoninë hapëse të Kupës së Botës 2026 në Meksikë ka shkaktuar një valë spekulimesh në rrjetet sociale, ku disa fansa dyshojnë se në skenë nuk ishte vetë këngëtarja, por një sozi e saj. Dyshimet u ngritën pas transmetimit të këngës zyrtare “Dai Dai”, ku përdoruesit vunë re ndryshime në pamjen fizike, energjinë dhe përdorimin e syzeve gjatë performancës. Ndërkohë, shumë fansa të tjerë hodhën poshtë këto pretendime, duke argumentuar se ndryshimet mund të shpjegohen me këpucët me platformë, këndet e kamerës, ndriçimin ose procedurat estetike të zakonshme. Video nga provat dhe përgatitjet e publikuara në rrjetet sociale tregojnë se Shakira ishte aktive gjatë gjithë javës para eventit, por një detaj i vogël mjaftoi për të ndezur teoritë konspirative në epokën e rrjeteve sociale.