Këngëtarja e njohur në Greqi, Eleni Foureira, ka treguar për herë të parë frikën që kishte në fillimet e karrierës për të zbuluar origjinën e saj shqiptare. Ajo pranoi se kishte frikë se kjo mund t’i mbyllte dyert në industrinë muzikore dhe se ishte rritur me bindjen se nuk do të kishte mundësi të barabarta për shkak të prejardhjes së saj. Foureira përshkroi edhe dhimbjen e familjes së saj, veçanërisht të nënës, e cila shpesh qante për paragjykimet që ajo përballej. Në intervistë, këngëtarja ndau edhe historinë e njohjes me partnerin e saj, ish-futbollistin Alberto Botía, me të cilin do të festojnë dhjetë vjet lidhje në nëntor dhe kanë një djalë të lindur në shkurt të vitit 2023.