Ish-finalistja e “Big Brother VIP Kosova 4”, Elijona, ka reaguar ndaj spekulimeve që qarkullojnë për pagesat e saj nga reklamat në rrjetet sociale. Ajo mohoi kategorikisht se merr 7,500 euro për një postim reklamues në Instagram, duke theksuar se këto shifra janë të paarsyeshme për tregun kosovar. Elijona shpjegoi se, megjithëse ka punuar edhe në tregun gjerman, në Kosovë nuk është e mundur të kërkosh çmime të tilla për shkak të realitetit ekonomik dhe fuqisë blerëse të bizneseve lokale. Ajo theksoi se rroga mesatare në Kosovë është shumë më e ulët dhe se pretendimet për pagesa të tilla janë larg së vërtetës.