Këngëtari i njohur shqiptar Ermal Fejzullahu ka bërë një blerje të re luksoze, duke prezantuar në Instagram një veturë Mercedes-Benz G-Class të zezë pranë shtëpisë së tij. Në postimin e tij, ai shkroi shkurt “Mirë se vjen në shtëpi G”, duke lënë të kuptohet se makina është pjesë e garazhit të tij. Ky model SUV konsiderohet një nga më prestigjiozët në treg, me çmime që variojnë nga 150 mijë deri mbi 250 mijë euro, ndërsa versionet AMG janë edhe më të shtrenjta. Postimi ka ngjallur shumë interes dhe komente në rrjetet sociale, duke theksuar statusin e artistit si një nga emrat më të pëlqyer dhe të suksesshëm në muzikën shqiptare.