Këngëtari italian Eros Ramazzotti i është nënshtruar një operacioni në kordat vokale, i cili ka detyruar shtyrjen e pjesës së turneut të tij botëror në Amerikën e Veriut dhe Latine. Operacioni ka shkuar mirë, por mjeku i ka përshkruar një program rehabilitimi që do të kërkojë disa muaj rikuperim, duke penguar provat dhe shfaqjet e planifikuara për këtë vit. Ramazzotti falenderoi fansat për mbështetjen dhe premtoi rikthim më të fortë në vitin 2027, kur do të rifillojë turneun me një koncert në Luksemburg dhe më pas në vende të tjera evropiane dhe amerikano-latine. Kjo nuk është hera e parë që këngëtari ka pasur probleme me zërin, pasi në vitin 2019 ai gjithashtu iu nënshtrua një operacioni të ngjashëm që ndikoi në karrierën e tij.