Organizatorët e Eurovision 2026 kanë publikuar renditjen zyrtare të performancave për dy gjysmëfinalet që do të zhvillohen në Vjenë, Austri, më 12 dhe 14 maj, ndërsa finalja e madhe do të mbahet më 16 maj. Një risitë e këtij edicioni është rikthimi i jurive profesionale në gjysmëfinale, krahas televotimit të publikut, praktikë që nuk aplikohej që nga viti 2022. Shqipëria do të performojë në natën e dytë të gjysmëfinales, më 14 maj, në pozicionin e 13-të, me këngëtaren Alis dhe këngën “Nân”. Në gjysmëfinale do të ngjiten edhe vendet e “Big 5” dhe Austria si vend pritës, të cilët kualifikohen automatikisht në finale, por do të performojnë gjatë netëve gjysmëfinale.