Këngëtari i njohur Flori Mumajesi pritet të rikthehet në skenën muzikore me një album të ri gjatë muajve shtator ose tetor. Albumi është në përgatitje prej më shumë se një viti dhe do të përfshijë këngë të reja, si dhe ripërpunime të projekteve të mëparshme, përfshirë bashkëpunime si “Hëna” me Ylli Limanin dhe “Jeta” me Elvana Gjatën. Një rikthim i mundshëm muzikor mes Florit dhe Elvana Gjatës është diskutuar prej kohësh dhe pritet të realizohet së shpejti. Gazetari Elton Tozaj e cilëson këtë rikthim si më të madhin ndonjëherë në karrierën e Florit, duke ngjallur pritshmëri të madhe tek fansat.