Këngëtarja me famë ndërkombëtare, Dua Lipa, ka arritur një sukses të jashtëzakonshëm në Instagram me një fotografi të publikuar gjatë vizitës së saj në Afrikën e Jugut. Ndryshe nga postimet e saj të zakonshme që marrin mesatarisht 2 deri në 3 milionë pëlqime, kjo fotografi ka kaluar shifrën e 6 milionë pëlqimeve, duke u renditur ndër më të suksesshmet në profilin e saj. Në imazh, Dua shfaqet pranë partnerit të saj, me elefantë në sfond, një moment unik që ka tërhequr vëmendjen dhe reagimet e shumta të fansave në mbarë botën. Ky postim vazhdon të grumbullojë pëlqime dhe komente, duke dëshmuar ndikimin e madh që këngëtarja shqiptare ka në rrjetet sociale.