Franca kishte njoftuar më parë tërheqjen nga gara e Miss Universe 2026 për shkak të mosmarrëveshjeve dhe kritikave ndaj organizimit ndërkombëtar të konkursit. Megjithatë, një organizatë e re e pavarur është krijuar në Francë për të marrë përsipër përzgjedhjen e përfaqësueses së vendit në këtë garë. Aplikimet do të jenë të hapura për vajza nga të gjitha rajonet e Francës dhe territoret përtej, ndërsa fituesja do të përfaqësojë Francën në finalen që do të mbahet në Porto Riko. Organizatorët e rinj kanë premtuar shpërblime të mëdha për fituesen, duke përfshirë para, makinë, banesë në Paris dhe angazhime profesionale gjatë mandatit të saj, duke shënuar kështu rikthimin e vendit në konkurs pas polemikave të vitit të kaluar.