Klubi turk Galatasaray S.K. i ka bërë një ofertë zyrtare këngëtares me origjinë shqiptare Dua Lipa për të performuar në festimet e titullit kampion në Stamboll. Oferta kap vlerën e rreth 2 milionë dollarëve dhe përfshin interpretimin e katër këngëve gjatë ceremonisë festive, duke e bërë këtë moment një nga më të spikaturit e eventit. Kjo ftesë nuk është thjesht një lëvizje marketingu, por ka edhe një dimension simbolik, duke lidhur historinë dhe identitetin e klubit me komunitetin shqiptar. Galatasaray njihet në qarqet e tifozëve si “skuadra e shqiptarëve të Stambollit”, për shkak të lidhjeve historike me rilindësin shqiptar Sami Frashëri dhe themeluesin Ali Sami Yen.