Bashkëpunimi i ri mes Dhurata Dorës dhe Gjestit, “Gasolina”, po korr një sukses të jashtëzakonshëm në Evropë vetëm pak ditë pas publikimit. Kënga është renditur në vendin e parë në Zvicër, Gjermani, Itali dhe Maqedoninë e Veriut, ndërsa në Austri mban vendin e katërt, duke u bërë një nga hitet më të dëgjuara të momentit. Gjesti ka ndarë me humor këtë arritje me fansat e tij në Instagram, duke falënderuar për mbështetjen e madhe. Me miliona klikime dhe reagime pozitive në rrjetet sociale, “Gasolina” konfirmon popullaritetin e dy artistëve dhe pritet të vazhdojë të dominojë klasifikimet muzikore gjatë kësaj vere.