DJ Gimbo ka paralajmëruar publikimin e remix-it të këngës “DJ” nga Rezarta Shkurta, një hit i njohur i muzikës shqiptare para 20 vitesh. Kjo këngë u rikthye në vëmendje gjatë qëndrimit të Gimbos dhe Selin në Big Brother VIP Albania, ku u bë një lloj kolone zanore për dyshen. Për të përjetësuar këtë moment, ata kanë realizuar një videoklip të ri, ku protagoniste është vetë Selin, fituesja e edicionit të pestë të BBVA. Projekti do të publikohet më 5 qershor, ndërsa Gimbo ka ndarë pamje nga xhirimet në rrjetet sociale, duke rritur pritshmëritë për versionin final të remix-it nostalgjik.