Gjesti ka paralajmëruar rikthimin e tij në skenën muzikore me një EP të re në bashkëpunim me DJ Gimbon, duke ngjallur entuziazëm të madh te fansat e tij. Së fundmi, artisti publikoi një fragment nga kënga “MEME”, pjesë e këtij projekti, që ka tërhequr vëmendjen e ndjekësve në rrjetet sociale. Në një video të postuar në TikTok, shfaqet një dorë vajze që prek fytyrën e Gjestit, një detaj që ka nxitur spekulime dhe komente, me fansat që mendojnë se ajo mund të jetë Eglit, por artisti nuk ka dhënë asnjë koment për këtë. Ky veprim ka shtuar kuriozitetin dhe pritshmëritë për publikimin e plotë të EP-së së shumëpritur.