Pas suksesit të bashkëpunimit “Gasolina” me Dhurata Dorën, reperi Gjesti po përgatit një këngë të re që premton të jetë një tjetër hit. Ai ka ndarë me ndjekësit disa fragmente nga projekti i ri përmes postimeve në Instastory dhe Instagram, duke rritur kureshtjen për publikimin që pritet së shpejti. Edhe pse nuk ka zbuluar ende titullin apo datën e saktë të daljes së këngës, Gjesti ka konfirmuar se fansat do ta dëgjojnë shumë shpejt. Ky rikthim vjen në vazhdën e suksesit të tij të fundit, duke treguar se artisti nuk ndalet në rrugën e muzikës.