Mbrëmjen e sotme është hapur televotimi për të përcaktuar tre banorët që do t’i bashkohen Selin Bollatit në finalen e madhe të spektaklit. Në garë janë pesë banorë: Miri, Rogerti, Mateo, Brikena dhe Shëndriti, të cilët do të përballen përmes votave të publikut për tri vendet e fundit në finale. Vetëm tre prej tyre do të avancojnë, ndërsa dy të tjerët do të eliminohen në këtë fazë vendimtare. Finalja e madhe e këtij edicioni do të mbahet më 18 prill, ku do të shpallet fituesi i çmimit prej 100 mijë eurosh. Në spektaklin e së martës janë larguar Juela Nikolli dhe Edisa Demollari, ndërsa të shtunën do të eliminohen edhe dy banorë të tjerë, duke mbetur finalistët për garën finale.