Holanda ka njoftuar tërheqjen e saj nga Eurovision Song Contest 2027, duke argumentuar se konkursi nuk mund të konsiderohet më një platformë neutrale. Ky vendim vjen në sfondin e tensioneve të shkaktuara nga pjesëmarrja e Izraelit dhe konfliktit në Gaza, që sipas transmetuesit publik holandez Avrotros, po dëmtojnë karakterin e pavarur të festivalit. Edhe pse organizatorët kanë vendosur rregulla të reja për të parandaluar përfshirjen e vendeve në konflikte të armatosura, Holanda nuk sheh garanci të mjaftueshme për rikthimin e neutralitetit. Drejtori i Avrotros, Taco Zimmerman, shprehu keqardhjen për këtë vendim, duke theksuar përkushtimin ndaj vlerave që i udhëheqin, edhe kur kjo do të thotë të tërhiqesh nga një event i dashur për vendin.