Indri ka vendosur të japë fund lidhjes së tij me Vanesën, marrëdhënie kjo që u formua në reality show-n Ferma Vip dhe u shoqërua me shumë dilema dhe polemika. Vanesa, e cila kishte një lidhje jashtë, ndërpreu marrëdhënien pas afrimitetit me Indrin, duke shprehur se ndjenjat e saj shkonin përtej thjesht pëlqimit. Pas daljes së Vanesës nga programi, Indri ka ndjerë një liri të madhe, të cilën e ka shprehur përmes një letre të lexuar vetë nga ai, ku thekson se nuk mendon se historia e tyre ka të ardhme dhe se ata janë më mirë të ndarë. Ai shton se nuk ka ndjerë mungesë gjatë kohës që nuk kanë qenë bashkë, por përkundrazi një ndjenjë lirie dhe beson se Vanesa meriton dikë që ta dojë më shumë se ai.