Jenna Ortega ka tërhequr vëmendjen e publikut me pamjen e saj të dobët në një video të fundit për Esquire, ku ajo rrëfeu edhe për problemet me ushqyerjen gjatë fëmijërisë. Fansat u shqetësuan dhe filluan të spekulojnë për shëndetin e saj, por një ndjekëse i bëri thirrje komunitetit të respektojë privatësinë e aktores dhe të mos kërkojë shpjegime për trupin e saj. Në mbështetje të Jenna-s ka dalë edhe motra e saj, Aliyah, e cila ka komentuar publikisht duke treguar se qëndron pranë saj në këto momente. Gjithashtu, Jenna ka folur më parë për çrregullimin obsesiv-kompulsiv dhe ndikimin e tij në jetën e saj të përditshme, duke theksuar sfidat që përballet përtej ekranit.