Pas katër edicionesh radhazi si prezantuese e Big Brother VIP Kosova, Jonida Vokshi ka konfirmuar largimin e saj nga sezoni i pestë i këtij reality show. Ajo njoftoi vendimin përmes një postimi në rrjetet sociale, duke treguar se këtë herë do ta ndjekë spektaklin nga ana tjetër e ekranit. Vokshi shpjegoi se periudha me Big Brother ka qenë shumë intensive dhe e rëndësishme për të, duke përfshirë momente personale dhe profesionale të thella, por tani dëshiron të ngadalësojë ritmin për t'u përkushtuar më shumë familjes dhe dy fëmijëve të saj. Moderatorja la të kuptohet se largimi nuk është një ndarje përfundimtare nga ekrani, por një pauzë që mund t’i mundësojë rikthimin në projekte të tjera në të ardhmen.