Juliana Nura, fituesja e Big Brother VIP Kosova, ka publikuar episodin e dytë të dokumentarit “Eagle Queen”, ku ndan momente të veçanta dhe emocionale nga rrugëtimi i saj drejt shtatzënisë. Ajo tregon se personi i parë që e përgëzoi pas testit pozitiv ishte gjyshja e saj finlandeze 96-vjeçare dhe flet hapur për vendimin e vështirë për fertilizimin in vitro, duke theksuar se kritikat në rrjetet sociale nuk e kanë ndalur në rrugën e saj. Në dokumentar shfaqet edhe festa e “Baby Shower”-it, ku Julianën e përkrahin familjarë, miq dhe aktivistja Vasfije Krasniqi. Ajo gjithashtu shpreh shpresën për të gjetur një partner që do të jetë baba për fëmijët e saj, duke mbajtur të hapur mundësitë e së ardhmes.