Aktori Kevin Spacey ka folur hapur për periudhën e vështirë që kaloi pas akuzave për ngacmim dhe sulm seksual, të cilat ndikuan rëndë në karrierën dhe jetën e tij. Ai pranoi se sjellja e tij në disa raste kishte kaluar kufijtë, por mohoi versionet e paraqitura në publik, duke theksuar se disa akuza janë ekzagjeruar ose shtrembëruar. Spacey u shpreh se pas shpërthimit të skandalit humbi pothuajse gjithçka, përfshirë rolin në serialin "House of Cards" dhe projektet në Hollywood, por tani po rikthehet gradualisht me role në filma evropianë dhe produksione të pavarura. Gjithashtu, aktori foli për orientimin e tij seksual, duke pranuar se për shumë vite e kishte fshehur homoseksualitetin, megjithëse njerëzit përreth e dinin tashmë.