Moderatorja e njohur Kiara Tito ka reaguar ndaj spekulimeve për një shtatzëni të mundshme, duke sqaruar situatën gjatë një bashkëbisedimi virtual me ndjekësit në Instagram. Pas një periudhe të gjatë pa komunikim të drejtpërdrejtë me publikun, ajo pranoi pyetjet e shumta, përfshirë edhe atë më të diskutuarën lidhur me pritjen e një fëmije. Aludimet nisën pas publikimit të një fotografie ku partneri i saj, Luiz Ejlli, shfaqej me dorën mbi barkun e saj, çka ndezi menjëherë spekulimet në rrjetet sociale dhe mediat rozë. Megjithatë, Kiara iu përgjigj qartë dhe shkurt “JO! Nuk jam” duke i dhënë fund kështu thashethemeve për momentin.