Kida dhe Ajbi po numërojnë ditët drejt një prej momenteve më të rëndësishme të lidhjes së tyre, dasmës që do të mbahet më 1 shtator në Romë. Këngëtarja ka ndarë me ndjekësit një video në TikTok, ku me humor siguron se gjithçka është në rregull dhe po përgatiten për ceremoninë. Dasma do të zhvillohet në një rezidencë historike të kryeqytetit italian dhe do të shoqërohet me muzikë nga emra të njohur të skenës shqiptare, si Ermal Fejzullahu dhe Sinan Vllasaliu. Historia e tyre e dashurisë u kurorëzua me fejesën romantike në dhjetor 2024, dhe tani fansat po presin me padurim festën madhështore që po afron.