Këngëtarja shqiptare Kida ka ndarë me ndjekësit në rrjetet sociale fotografitë e martesës së saj me partnerin Ajbin, e cila u zhvillua më 1 shtator në rezidencën historike Villa Miani në Romë. Lokacioni luksoz ofroi një sfond panoramik të kryeqytetit italian, duke i dhënë një atmosferë magjike ceremonisë. Kida u shfaq me një fustan nusërie prej dantelle të punuar me detaje të imëta, me stil korse dhe mëngë dorezë, ndërsa Ajbi zgjodhi një smoking elegant të bardhë. Fotografitë përfshijnë çaste intime nga shkëmbimi i betimeve, portrete me arkitekturën romake dhe momente spontane bardhë e zi që pasqyrojnë lumturinë e çiftit në ditën e tyre të veçantë.