Kim Kardashian tërhoqi vëmendjen e të pranishmëve në eventin “UpDate Pop-Up” në Melrose Avenue, Los Angeles, duke u shfaqur me një veshje transparente dhe provokuese që nxirrte në pah format e saj. Ajo kombinonte një kostum trupi me dekolte të thellë dhe një fund transparent me detaje argjendi, të shoqëruara me sandale me taka të larta të lidhura deri poshtë gjunjëve. Kim mbërriti në event e shoqëruar nga stilisti Ludovic de Saint Sernin, i cili kishte zgjedhur gjithashtu një veshje transparente, duke krijuar kështu një kombinim tërheqës para fotografëve. Pas kësaj daljeje, ajo vijon të ruajë stilin e saj karakteristik me flokë të drejtë dhe grim me theks te sytë dhe buzët nude, ndërsa pak ditë më parë ishte në pushime familjare në Idaho, ku ishte shoqëruar edhe nga Lewis Hamilton dhe vajza e saj më e vogël, Chicago West.