Pas puthjes së shkëmbyer në spektaklin e së martës, marrëdhënia mes Brikenës dhe Mateos ka pësuar një krisje të thellë. Brikena është ndjerë e lënduar nga afrimiteti i Mateos me Selin, veçanërisht pas një momenti kur Mateo e ka kapur nga dora Selinën, gjest që ajo e ka interpretuar si tradhti dhe mungesë respekti, sidomos pasi ajo kishte përgatitur ushqim për të dhe ai nuk erdhi ta hante me të. Në një përballje të drejtpërdrejtë, Brikena ka shprehur dhimbjen dhe zhgënjimin e saj, duke theksuar se Mateo nuk është afruar për ta pyetur kur ajo ka qarë dhe se ndjenjat e saj janë serioze, jo lojë. Ndërkaq, Mateo ka mohuar keqkuptimet, duke thënë se kapja nga dora e Selinës nuk ka pasur asnjë qëllim të keq dhe se Brikena ka preferuar të besojë fjalët e një banori tjetër, Rogertit, në vend të tij.