Rita Ora ishte gati të ngjitej në skenën e festivalit Gozo në Spanjë, por performanca e saj u anulua papritur për shkak të një stuhie të fuqishme. Artistja shqiptare me famë botërore tregoi në një video në Instagram se stuhia kishte dëmtuar të gjitha pajisjet teknike të bendit të saj, përfshirë instrumentet, kabllot dhe mikrofonët, duke e bërë të pamundur koncertin. Megjithëse ishte e veshur dhe e përgatitur për të kënduar, Rita u detyrua të tërhiqej dhe kërkoi mirëkuptimin e fansave të saj. Ajo premtoi se shumë shpejt do të kthehet në Spanjë për të kompensuar këtë ndërprerje të papritur.