Tayna dhe Dafina Zeqiri kanë realizuar para gjashtë vitesh një duet shumë të suksesshëm me titullin "Bye Bye", i cili vazhdon të dëgjohet edhe sot. Megjithatë, që nga ajo kohë, dy këngëtaret nuk kanë pasur më kontakte mes tyre dhe nuk janë më shoqe. Tayna ka shpjeguar në një intervistë se një bashkëpunim i tillë ikonik është më mirë të mbetet i papërsëritur, duke përmendur edhe shembullin e Shakirës dhe Beyoncës që nuk kanë ripërsëritur duetët e tyre për të ruajtur vlerën e tyre. Rap-artistja theksoi se nuk ka asnjë mundësi për një bashkëpunim të ri dhe se marrëdhënia mes tyre është thjesht profesionale, pa kontakte personale.