Meredith Duxbury, një influencer amerikane me rreth 18 milionë ndjekës në TikTok, ka tërhequr vëmendjen e publikut pasi u fotografua pranë aktorit Orlando Bloom në një festë pas Met Gala-s. Megjithëse burime pranë tyre mohojnë ndonjë lidhje romantike, prezenca e saj pranë yllit ka ngjallur kuriozitet, sidomos duke pasur parasysh përfoljet e Bloom për një lidhje tjetër me modelen zvicerane Luisa Laemmel. Meredith, 27 vjeçe, ka nisur karrierën në rrjetet sociale gjatë pandemisë, duke u fokusuar kryesisht në videot e grimit dhe transformimeve, dhe ka bashkëpunuar me marka të njohura si Morphe, YSL Beauty dhe Maybelline. Ajo mban jetën private larg syrit të publikut, ndërsa më parë ka pasur një lidhje me Brandon Remer, me të cilin u nda në fund të vitit 2023 ose fillim të 2024-s.