Këngëtari Labinot Rexha, i njohur si Labi, i cili u eliminua së fundmi nga Big Brother VIP Kosova 4, ka paralajmëruar publikun për një lajm tronditës që do të publikojë së shpejti. Ai ka postuar në rrjetet sociale se nesër në orën 8:30 do të zbulojë një "bombë" shkatërruese lidhur me formatin e emisionit, duke lënë të kuptohet se ka pakënaqësi për mënyrën se si u trajtua gjatë garës. Në postimin e tij, Labi ka publikuar edhe disa përgjime të Olsës me banorët në dhomën e rrëfimit, por më pas i ka fshirë ato, duke rritur kuriozitetin për atë që do të vijë. Ai beson se dalja e tij nga Big Brother ka qenë e padrejtë dhe për këtë arsye ka paralajmëruar se do të zbulojë shumë gjëra të rëndësishme në ditët në vijim.